संस्थेची उद्दिश्टां

1. गोंय मनरिजवण संस्थेचो मुखेल हेतू म्हणल्यार गोंय राज्या खातीर मनरिजवण धोरण तयार करप आनी वेगवेगळ्या एजन्सींच्या आदारान ताची अंमलबजावणी करप.
2. गोंय राज्यांत मनरिजवण उद्देगाक चालना दिवपा संबंदीत वेगवेगळ्या धोरणात्मक विशयांचेर गोंय सरकाराक दीर्घकालीन तत्वाचेर सल्लो दिवप.
3. गोंय राज्याक आंतरराष्ट्रीय मनरिजवण केंद्र करप आनी गोंय राज्याक जागतीक दृश्टीकोन आनी मान्यताय दिवप.
4. आंतरराष्ट्रीय चित्रपट महोत्सवाचो अँकर पॉयट म्हूण उपेग करून कायमस्वरूपी सुविधा निर्माण करप जाका लागून गोंय राज्य जागतीक चित्रपट महोत्सवांच्या क्षेत्रांत स्वताचे वेगळे स्थान निर्माण करतले आनी तांच्या वेगळेपणा खातीर आनी वेगळ्या व्यक्तिरेखे खातीर वळखतले.
5. गोंय राज्यांत संवसारांतले अग्रणी फिल्म महोत्सवां प्रमाणें आंतरराष्ट्रीय चित्रपट महोत्सवाचे आयोजन करप आनी घडोवन हाडप आनी जागतीक दर्जाचे मनरिजवणेचे कार्यक्रम, देखाव आनी प्रदर्शना आनी हेर आयोजीत करप आनी घडोवन हाडप.
6. फिल्म, मनरिजवण आनी फुरसत प्रकल्पांतल्या उपक्रमांतल्यान दीर्घकालीन तत्वाचेर येणावळ मेळोवप आनी गोंय राज्याक एक निमाणें पर्यटन आनी मनरिजवण थळ म्हूण संवसारभर मान्यताय मेळोवन दिवप आनी ह्या संबंदांत गोंय राज्याची क्षमताय चडावत करप.
7. आंतरराष्ट्रीय चित्रपट महोत्सवाच्यो गरजो पुराय करपा खातीर आनी संवसारीक गुंतवणूक हाडपा खातीर साधनसुविधा विकसीत करप, कॅमेरामन, टीव्ही तंत्रज्ञ, ट्रॉली ऑपरेटर, क्युरेटर, संगीतकार, गायक, नर्तक, नाट्यशास्त्र आनी हेर थळाव्या लोकांक रोजगाराची संद वाडोवपाचें वातावरण तयार करप.
8. मल्टिप्लेक्स, सिनेमा हॉल, मिडिया-सेंटर, स्क्रिनिंग रूम, सभाघर, सर्वसमावेशक साधनसुविधा बांदप, तांची देखरेख करप आनी दूरसंचार, येरादारी, पार्किंग, बँकिंग, इंटरनेट कनेक्टिव्हिटी, वीज पुरवण, उदक, गटार, नितळसाण आदी खातीर हेर आंतरराष्ट्रीय कार्यक्रम/महोत्सव आनी हेर तत्सम कार्यक्रम आयोजीत करपा खातीर सेवा दिवप.
9. आंतरराष्ट्रीय फिल्म सिटी, स्टुडिओ, योग्य क्षमतेची प्रेक्षकघरां आनी प्रशिक्षण केंद्रां वा चित्रपट निर्माते, कलाकार, दिग्दर्शक, तंत्रज्ञ आनी हेर संबंदीत वेवसायांक प्रशिक्षण दिवपा खातीर चित्रपट संस्था उबारप आनी फिल्म मार्केट वा बाजार उबारप.
10. चित्रपट महोत्सवाच्यो गरजो भागोवपा खातीर अस्तित्वांत आशिल्ल्यो इमारती, घरां आनी निवासस्थानांचे नूतनीकरण करप तशेंच गुंतवणूक आनी जमीन विकास कार्यक्रम आनी फुरसत विकास प्रकल्पांच्या सोयी खातीर उत्तम कम्पन्यो हाडून मनरिजवण उद्येगाच्या हेतून गोंय सरकारा खातीर मालमत्तेची संकल्पना आनी विकास करप.
11. वॉटर फ्रंट आनी पादचारी प्लाझाची उदरगत करपा खातीर दायज इमारतींचें संवर्धन आनी सुदारणा करप.
12. प्रिण्ट मिडिया, इंटरनॅट, व्हिडियो आनी चित्रपट आनी संवसारीक पांवड्या वेली माहिती आनी विपणन एकठांय करपी संप्रेशणाच्या हेर नव्या माध्यमांतल्यान प्रचार मोहीम राबोवप.
13. गोंय राज्यांतल्या मनरिजवण उद्देगाच्या हिता खातीर नेटवर्किंग आनी रिलेशन बिल्डिंगांत वांटो घेवप आनी दर वर्सा चित्रपट महोत्सवाची संघटना सुदारपा खातीर अभिनव विचार आपणावप.